Suid-Afrika my land, Laerskool Klawer, my skool!
                                      
Kennis oorwin
Herlaai die webblad om die nuutste veranderinge te vertoon.
                                      
Akademiese Personeel
Tuisblad 
Geskiedkundige
Oorsig
Videogalery
Fotogalery
Onderrigstrategie
Khanya
Buitemuurse
Bedrywighede
Skooldrag en Tariewe
Kontak Ons

Webmeesters: Heesen Productions

Tel: 021 801 7485
Sel: 084 909 7485

E-pos:  emmeline@heesenproductions.co.za

Webwerf:  http://www.heesenproductions.co.za

 

Kopieregte©Heesen Productions
Alle regte voorbehou
Johann Esterhuyse
Mnr. Johann Esterhuyse:  Skoolhoof

 Mnr. Esterhuyse was vroeër verbonde aan Laerskool Table View en Laerskool Aggeneys.  Hy is ‘n kultuurmens wat al op streek en nasionale vlak erkenning hiervoor ontvang het. Dit is dus vanselfsprekend dat hy ‘n stigterslid van Klawer Kunste, Weskus, Kring 9 (5), se eie eisteddfod is. Hy is steeds aktief betrokke by die aanbieding van hierdie jaarlikse eisteddfod.  Tans doseer hy Wiskunde en Engels en leef sy liefde vir musiek as kerkorrelis aan die NG Vredendal-Wes uit. 

 

Mnr. Manus Spamer: Departementshoof

 Mnr. Spamer  is die graad 7-registerklas se opvoeder. Hy is ook verantwoordelik vir die leerderraad en speel in bepalende rol in die handhawing van disspline in die skool.  Sy sterk belangstelling in atletiek stel hom in staat om gereeld atlete tot op nasionale vlak te lewer.  Sy staal as afrigter word ook vir leerders van omliggende skole aangewend.  Voorts is hy ‘n omgee-mens. 

Manus Spamer
Mnr. Tewie Groenewald:  IF-fasehoof

 Mnr. Groenewald het sy onderwysloopbaan aan Laerskool Klawer begin en het reeds meer as dertig jaar diens aan Laerskool Klawer en die gemeenskap van Klawer gewy. Hy is ‘n taal- en sportliefhebber, asook ook ‘n administrateur en organiseerder van formaat.   Die skool se lapa is ook ‘n bewys dat Mnr. Groenewald nie net droom nie, maar ook doen. 

Mev. Louise Davis:  Grondslag-opvoeder

 Mev. Davis se lang loopbaan het draaie in die Boland en Namibië gemaak.  Benewens haar funksie as grondslag-opvoeder is sy ‘n groot adminitratiewe aanwins vir die skool. Sy hanteer die skool se data-basis en speel ‘n bepalende rol in die afrigting van eisteddfod, Klawer Kunste. Vele skoolkonserte is al deur haar op die planke gebring – iets wat die leerders wat daar betrokke was lewenslank sal onthou. Sy het aan die einde van 2012 afgetree, maar beklee tans ‘n SBL-pos by Laerskool Klawer.  Haar insette word waardeer deur kollegas en leerders. 

Mev. Renzia Julie: GF-Fasehoof

 Ons skool se eie “driljuffrou”.  Mev. Julie sal alles in die stryd werp om graad 1 werk vas te lê, en seker te maak dat die graad 2’s op standaard is vir graad 3.  Sy stel intens belang in die welstand van haar leerders en het al verskeie kere die spreekwoordelike “ekstra myl” vir haar leerders geloop. Sy rig netbal, atletiek en mini-krieket af.  Hierbenewens sorg sy vir humor in die personeelkamer tydens pouses.

Renzia Julie Tewie Groenewald Louise Davis

Me. Stella Muggel (Grondslagfase)

 

 Me. Muggel het op 1 Januarie 2013 by Laerskool Klawer se personeelkorps aangesluit. Sy is verbonde aan die grondslagfase en leef haar liefde vir onderwys en die kinders op haar besonderse manier uit. Sy het haar B.Ed (honeurs) aan die einde van 2010 aan die Universiteit Stellenbosch behaal. Sy is ook versot op kerspitwerk. Laerskool Klawer is geweldig trots op hierdie raakvat-kollega.
Me. Sebastine de Jongh (INTERSEN)

 Me. de Jongh is ‘n veelsydige opvoeder. Sy is ‘n sportliefhebber, sterk reknaarvaardig en het ‘n slag om dissipline te kan handhaaf. Sedert haar aanstelling Januarie 2012 het sy al op verskeie gebiede die leiding geneem, o.a. as leieronderwyser vir Kring 5 (Engels). Die skool is bevoorreg om haar as personeellid te hê.
Mnr. Cobus van der Westhuizen (INTERSEN)

 Mnr. van der Westhuizen het op 1 Januarie 2013 by Laerskool Klawer aangesluit. Hy onderrig klasse in die Intermediêre en Senior fase. Sy geliefkoosde vak is Wiskunde. Voorts is hy intens betrokke by die aanbieding van sport, waarin hy sterk belangstel. Mnr. van der Westhuizen is die jongste manlike kollega op die personeel. Sy sin vir humor sorg vir vele lag-sessies.
Me. Leandri Scheffers (GRONDSLAGFASE: KLASHULP)

 Me. Scheffers is jare ‘n staatmaker by Laerskool Klawer. Sy was intens betrokke by die skool se ontwikkelling. Die geletterdheidsprogram (mobiele biblioteek) het sy vir jare gedien en self ‘n kwalifikasie in die rigting verwerf. Sy het later as klashulp by graad 1 begin help en is tans besig om in hierdie rigting te studeer. Hierbenewens is sy netbalafrigter en bied haar hulp aan waar daar behoeftes ontstaan. Die leerders, personeel en ouers bemin hierdie veelsydige personeellid.
Stella Muggel Sebastine de Jongh Cobus van der Westhuizen Leandri Scheffers
Hoogtepunte
Missie van die Skool
lsk001006.jpg
Klik hier om die nuutste
Adobe Reader sagteware
af te laai
Skoolkwartale en
Vakansiedae
Personeelbesonderhede
Akademiese personeel
Steunpersoneel
Personeel
<bgsound src="skoollied.mp3" loop="infinite">